Statement by Ambassador Kyaw Moe Tun, Permanent Representative of the Republic of the Union of Myanmar to the United Nations, at General Discussion under Agenda Item 17: Follow-up to and Implementation of the Outcomes of the International Conferences on Financing for Development of the Second Committee of the 79th Session of the UN General Assembly, held on 10 October 2024
[Below Myanmar Text]
သတင်းအဖြစ်ထုတ်ပြန်ချက်
(၇၉) ကြိမ်မြောက် ကုလသမဂ္ဂအထွေထွေညီလာခံ၊ ဒုတိယကော်မတီ၏ ဘာသာရပ်အစီအစဉ် (၁၇) အောက်ရှိ စဉ်ဆက်မပြတ်ဖွံ့ဖြိုးတိုးတက်ရေး ဘဏ္ဍာငွေဆိုင်ရာ ညီလာခံများ၏ ရလဒ်များ အကောင်အထည်ဖော်ခြင်းနှင့် ပတ်သက်သည့် အထွေထွေမူဝါဒရေးရာ ဆွေးနွေးမှု၌
ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း က
တရားမဝင်စစ်အာဏာသိမ်းပြီးနောက် ယိုယွင်းလာသော စီးပွားရေးအခြေအနေ၊ ငွေကြေးဖောင်းပွမှု၊ စားသောက်ကုန်ဈေးနှုန်းများ မြင့်တက်လာမှု၊ နေရပ်စွန့်ခွာမှုနှင့် အိုးမဲ့အိမ်မဲ့ဖြစ်မှု တိုးပွားလာခြင်းတို့က မြန်မာပြည်သူများကို ဘဝဖွံ့ဖြိုးတိုးတက်မှုထက် နေ့စဉ်အသက်ရှင်သန်မှုအပေါ်သာ အာရုံစိုက်နေကြရ၊
တရားဥပဒေစိုးမိုးမှုလုံးဝမရှိခြင်းနှင့် အကျင့်ပျက်ခြစားမှုများ များပြားနေခြင်းသည် နိုင်ငံဖြတ်ကျော်ရာဇ၀တ်မှုများ၊ online လိမ်လည်မှု၊ လူကုန်ကူးမှုနှင့် တရားမဝင် မူးယစ်ဆေးဝါး ရောင်းဝယ်မှုများ အပါအဝင် တရားမဝင် စီးပွားရေး အများအပြားအပေါ် ထပ်လောင်း အကျိုးသက်ရောက်ပြီး အခြေအနေ ပိုမို ဆိုးရွားစေ၊
အကြမ်းဖက်စစ်တပ်နှင့် ၎င်းတို့၏ တရားမ၀င်အာဏာသိမ်းမှုတို့သည် မြန်မာနိုင်ငံတွင် စီးပွားရေး၊ ဘဏ္ဍာရေးနှင့် လူမှုရေးယိုယွင်းပျက်စီးမှုများ၏ မူလဇစ်မြစ်ဖြစ်၊ တရားမ၀င် စစ်အာဏာသိမ်းမှုနှင့် စစ်တပ်၏ စနစ်တကျ ကျယ်ကျယ်ပြန့်ပြန့် ရက်စက်ကြမ်းကြုတ်မှုများကြောင့် ဖြစ်ပေါ်လာသည့် လက်ရှိအခြေအနေသည် လွတ်လပ်၍ တရားမျှတပြီး အားလုံးပါဝင်သော ရွေးကောက်ပွဲကို ကျင်းပရန် သင့်လျော်သည့် အခြေအနေမဟုတ်၊ အတုအယောင် ရွေးကောက်ပွဲ ကျင်းပရန်အကြမ်းဖက်စစ်တပ်၏ ကြိုးပမ်းမှုမှန်သမျှကို မြန်မာပြည်သူများက ပြတ်ပြတ်သားသား ကန့်ကွက်၊ နိုင်ငံတကာအသိုက်အဝန်းကလည်း အလားတူ လုပ်ဆောင်သင့်၊
မြန်မာနိုင်ငံတွင် စစ်အာဏာရှင်စနစ် အမြစ်ပြတ် ချေမှုန်းရေးနှင့် ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးသည် မိမိတို့ယခင်ရရှိခဲ့ပြီးသော စဉ်ဆက်မပြတ် ဖွံ့ဖြိုးတိုးတက် ရေးဆိုင်ရာ တိုးတက်မှုများ ပြန်လည်ရရှိရန်နှင့် ၂၀၃၀ အာဂျင်ဒါကို အကောင်အထည်ဖော်ရန် တစ်ခု တည်းသော အလားအလာ ရှိသောလမ်းစဉ် ဖြစ်ကြောင်းပြောကြားခဲ့
(နယူးယောက်မြို့၊ ၂၀၂၄ ခုနှစ်၊ အောက်တိုဘာလ ၁၀ ရက်)
၁။ (၇၉) ကြိမ်မြောက် ကုလသမဂ္ဂအထွေထွေညီလာခံ၊ ဒုတိယကော်မတီ (စီးပွားရေးနှင့် ဘဏ္ဍာရေး) ၏ ဘာသာရပ်အစီအစဉ် (၁၇) အောက်ရှိ စဉ်ဆက်မပြတ်ဖွံ့ဖြိုးတိုးတက်ရေး ဘဏ္ဍာငွေဆိုင်ရာ ညီလာခံများ၏ ရလဒ်များ အကောင်အထည်ဖော်ခြင်းနှင့် ပတ်သက်သည့် အစည်းအဝေးကို ၂၀၂၄ ခုနှစ်၊ အောက်တိုဘာလ ၁၀ ရက်နေ့ တွင် ကျင်းပပြုလုပ်ခဲ့ပါသည်။
၂။ အဆိုပါအစည်းအဝေးသို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း မှ တက်ရောက်၍ မိန့်ခွန်းပြောကြားခဲ့ပါသည်။
၃။ မြန်မာအမြဲတမ်းကိုယ်စားလှယ်၏ မိန့်ခွန်းတွင် အောက်ဖော်ပြပါအချက်များ အဓိကပါဝင်ပါသည်-
(က) စဉ်ဆက်မပြတ် ဖွံ့ဖြိုးတိုးတက်ရေးပန်းတိုင်များ (SDGs) အကောင်အထည်ဖော်ရာတွင် မျှော်မှန်း ထားသည့်အတိုင်း တိုးတက်မှုမရှိဘဲ နှေးကွေးဆုတ်ယုတ်နေခြင်း၏ နောက်ကွယ်တွင် ဘဏ္ဍာရေး ဆိုင်ရာ စိန်ခေါ်မှုများရှိနေခြင်းသည် အဓိကအကြောင်းရင်း တစ်ချက်ဖြစ်ကြောင်း၊ ၂၀၂၄ ခုနှစ် စဉ်ဆက်မပြတ် ဖွံ့ဖြိုးတိုးတက်ရေး ဘဏ္ဍာငွေဆိုင်ရာ အစီရင်ခံစာသည် ဖွံ့ဖြိုးဆဲနိုင်ငံများ ကြုံတွေ့ နေရသော ဘဏ္ဍာရေးဆိုင်ရာ ကန့်သတ်ချက်များ၊ ကြွေးမြီပြဿနာနှင့် မြင့်မားသော ဘဏ္ဍာရေး လိုအပ်ချက်များကို မီးမောင်းထိုးပြထားကြောင်း၊
(ခ) ထို့ကြောင့် ဖွံ့ဖြိုးဆဲနိုင်ငံများအတွက် စဉ်ဆက်မပြတ် ဖွံ့ဖြိုးတိုးတက်ရေး ဘဏ္ဍာငွေ ကွာဟချက် ကို ပိုမိုလျော့ပါးစေရန် လုပ်ဆောင်မည့်အချက်လည်း ပါဝင်သည့် “Pact for the Future” ကတိပြုချက်ကို ပြီးခဲ့သည့် စက်တင်ဘာလ က အတည်ပြုနိုင်ခြင်းကို မြန်မာနိုင်ငံ အနေဖြင့် ကြိုဆိုပါကြောင်း၊ အလားတူပင် လာမည့်နှစ်တွင် ကျင်းပမည့် စဉ်ဆက်မပြတ် ဖွံ့ဖြိုးတိုးတက်မှု အတွက် ဘဏ္ဍာငွေထောက်ပံ့မှုဆိုင်ရာ စတုတ္ထအကြိမ်မြောက် နိုင်ငံတကာညီလာခံသည် ၂၀၃၀ အာဂျင်ဒါ အကောင်အထည်ဖော်ခြင်းကို အရှိန်မြှင့်တင်စေနိုင်မည့် ရလဒ်ကောင်း တစ်ခု ထွက်ပေါ် လာရန် မျှော်လင့်ပါကြောင်း၊
(ဂ) Addis Ababa Action Agenda သည် နိုင်ငံအသီးသီး၏ စီးပွားရေးနှင့် လူမှုရေးဖွံ့ဖြိုးတိုးတက်မှု အတွက် သက်ဆိုင်ရာ အမျိုးသားရေးမူဝါဒများနှင့် ဖွံ့ဖြိုးတိုးတက်ရေး မဟာဗျူဟာများ၏ အခန်း ကဏ္ဍများ အပေါ် အလေးပေးထားကြောင်း၊
(ဃ) မြန်မာနိုင်ငံတွင် ရွေးကောက်ခံအရပ်သားအစိုးရသည် Myanmar Sustainable Development Plan (MSDP) မူဘောင် အကာင်အထည်ဖော်ဆောင်မှုနှင့် အတူ စဉ်ဆက်မပြတ် ဖွံ့ဖြိုး တိုးတက်ရေး ပန်းတိုင်များ (SDGs) အောင်မြင်ရန် ကြိုးစားဆောင်ရွက်ခဲ့ကြောင်း၊ ပြည်တွင်း ပြည်ပ ရင်းနှီးမြုပ်နှံမှုများ ပိုမိုလာရောက်စေရန် ဆွဲဆောင်နိုင်ခဲ့ပြီး၊ ဘဏ်စနစ်၊ ဘဏ္ဍာရေး စနစ်များ သိသာထင်ရှားသော တိုးတက်မှုများ ရရှိခဲ့ကြောင်း၊
(င) သို့သော် အဆိုပါ တိုးတက်မှုများ အပါအဝင် ရရှိခဲ့သော တိုးတက်မှုများ အားလုံးသည် ၂၀၂၁ ခုနှစ် စစ်တပ်မှ တရားမဝင် အာဏာသိမ်းရန် ကြိုးပမ်းမှုကြောင့် ကံမကောင်းစွာ ဆုတ်ယုတ် သွားခဲ့ ရကြောင်း၊ စစ် အာဏာသိမ်းပြီးနောက် တစ်နှစ်အတွင်း နိုင်ငံခြားရင်းနှီးမြှုပ်နှံမှု ၄၂ ရာခိုင်နှုန်း ကျဆင်းခဲ့ကြောင်း၊
(စ) ထို့ကြောင့် မြန်မာနိုင်ငံတွင် ဘဏ္ဍာရေးကဏ္ဍ ပြုပြင်ပြောင်းလဲမှုများသည် ရပ်တန့်နေပြီး နောက်ပြန် လှည့်နိုင်သည့် အန္တရာယ်ရှိနေကြောင်း ကမ္ဘာ့ဘဏ် (World Bank) က ထုတ်ပြန်ထား ကြောင်း၊ ပြည်တွင်းဘဏ်လုပ်ငန်းအကျပ်အတည်းကြောင့် အသေးစားချေးငွေ လုပ်ငန်းများ၊ အသေးစား နှင့် အလတ်စားစီးပွားရေး လုပ်ငန်းအဖွဲ့အစည်း အများအပြား အပါအဝင် သုံးစွဲသူ ၅ သန်း ကို ထိခိုက်စေခဲ့ကြောင်း၊
(ဆ) ထို့အပြင် အကြမ်းဖက်စစ်တပ်၏ ဥပဒေမဲ့ အတင်းအဓမ္မ စစ်မှုထမ်းခိုင်းစေခြင်းများ ကြောင့် ပုဂ္ဂလိကကဏ္ဍများတွင် လုပ်ကိုင်နေသူများ အပါအဝင် လူငယ်အများအပြားသည် နိုင်ငံအတွင်း ပုန်းအောင်း နေကြရပြီး၊ အချို့မှာ ပြည်ပနိုင်ငံများသို့ ထွက်ပြေးတိမ်းရှောင်နေရကြောင်း၊
(ဇ) ယိုယွင်းလာသော စီးပွားရေးအခြေအနေ၊ ငွေကြေးဖောင်းပွမှု၊ စားသောက်ကုန်ဈေးနှုန်းများ မြင့်တက်လာမှု၊ နေရပ်စွန့်ခွာမှုနှင့် အိုးမဲ့အိမ်မဲ့ဖြစ်မှု တိုးပွားလာခြင်းတို့က မြန်မာပြည်သူများကို ဘဝဖွံ့ဖြိုးတိုးတက်မှုထက် နေ့စဉ်အသက်ရှင်သန်မှုအပေါ်သာ အာရုံစိုက်နေကြရကြောင်း၊ UNDP ၏ အစီရင်ခံစာအရ ၂၀၂၃ ခုနှစ်တွင် မြန်မာနိုင်ငံလူဦးရေ၏ ထက်ဝက်နီးပါးသည် ဆင်းရဲမွဲတေမှု မျဉ်းအောက်၌ နေထိုင်ရကြောင်း၊ နိုင်ငံ့စီးပွားရေး၏ အဓိကအင်အားဖြစ်သော လူလတ်တန်းစား များ ပျောက်ကွယ်နေပြီး လူတန်းစားမညီမျှမှုများမြင့်မားလာနေကြောင်း၊
(ဈ) တရားဥပဒေစိုးမိုးမှု လုံးဝမရှိခြင်းနှင့် အကျင့်ပျက်ခြစားမှုများ များပြားနေခြင်းသည် နိုင်ငံ ဖြတ်ကျော် ရာဇ၀တ်မှုများ၊ online လိမ်လည်မှု၊ လူကုန်ကူးမှု နှင့် တရားမဝင် မူးယစ်ဆေးဝါး ရောင်းဝယ်မှုများ အပါအဝင် တရားမဝင် စီးပွားရေး အများအပြား အပေါ် ထပ်လောင်း အကျိုး သက်ရောက်ပြီး အခြေအနေ ပိုမိုဆိုးရွား စေကြောင်း၊ UNCTAD ၏ အဆိုအရ မူးယစ်ဆေးဝါး တင်ပို့မှု တစ်ခုတည်းမှ ဖြစ်ပေါ် လာသော တရားမဝင် ငွေကြေးစီးဆင်းမှုများသည် ပြည်တွင်း၌ အမေရိကန်ဒေါ်လာ ၁,၃၄၇ သန်း အထိရှိနေ ကြောင်း၊ ယခုဖြစ်စဉ်များသည် ဒေသတွင်း ငြိမ်းချမ်းရေး၊ တည်ငြိမ်ရေးနှင့် သာယာဝပြောရေးကို ထိခိုက်သည့် အန္တရာယ်များဖြစ်သည်မှာ အလွန်ရှင်းလင်းကြောင်း၊
(ည) ထို့ကြောင့် တရားမဝင် ငွေကြေးစီးဆင်းမှု၊ အကျင့်ပျက်ခြစားမှု၊ ငွေကြေးခဝါချမှုနှင့် အခွန် တိမ်းရှောင်မှုတို့ကို တားဆီးကာကွယ်ရန်နှင့် တိုက်ဖျက်ရန် ကြိုးပမ်းအားထုတ်မှုများကို အားကောင်း စေရေးအတွက် နိုင်ငံတကာအသိုက်အဝန်း၏ကူညီပံ့ပိုးမှုများကို အရေးတကြီး လိုအပ်ပါကြောင်း နှင့် “Pact for the Future” တွင် ပါရှိသည့် ကတိပြုချက်များကို တိကျစွာ လုပ်ဆောင်ရန် တောင်းဆိုပါကြောင်း၊
(ဋ) အကြမ်းဖက်စစ်တပ်နှင့် ၎င်းတို့၏ တရားမ၀င်အာဏာသိမ်းမှုတို့သည် မြန်မာနိုင်ငံတွင် စီးပွားရေး၊ ဘဏ္ဍာရေးနှင့် လူမှုရေးယိုယွင်းပျက်စီးမှုများ၏ မူလဇစ်မြစ်ဖြစ်ကြောင်း၊ တရားမ၀င် စစ် အာဏာသိမ်းမှုနှင့် စစ်တပ်၏ စနစ်တကျ ကျယ်ကျယ်ပြန့်ပြန့် ရက်စက်ကြမ်းကြုတ်မှုများကြောင့် ဖြစ်ပေါ်လာသည့် လက်ရှိအခြေအနေသည် လွတ်လပ်၍ တရားမျှတပြီး အားလုံးပါဝင်သော ရွေးကောက်ပွဲကို ကျင်းပရန် သင့်လျော်သည့် အခြေအနေမဟုတ်သည်မှာ ထင်ရှားပါကြောင်း၊ အတုအယောင် ရွေးကောက်ပွဲ ကျင်းပရန်အကြမ်းဖက်စစ်တပ်၏ ကြိုးပမ်းမှုမှန်သမျှကို မြန်မာပြည်သူများက ပြတ်ပြတ်သားသား ကန့်ကွက်ပါကြောင်း၊ နိုင်ငံတကာအသိုက်အဝန်း က လည်း အလားတူ လုပ်ဆောင်သင့်ပါကြောင်း၊
(ဌ) မြန်မာနိုင်ငံတွင် စစ်အာဏာရှင်စနစ် အမြစ်ပြတ် ချေမှုန်းရေးနှင့် ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးသည် မိမိတို့ယခင်ရရှိခဲ့ပြီးသော စဉ်ဆက်မပြတ် ဖွံ့ဖြိုးတိုးတက် ရေးဆိုင်ရာ တိုးတက်မှုများ ပြန်လည်ရရှိရန်နှင့် ၂၀၃၀ အာဂျင်ဒါကို အကောင်အထည်ဖော်ရန် တစ်ခု တည်းသော အလားအလာရှိသောလမ်းစဉ်ဖြစ်သည်မှာ သိသာထင်ရှားကြောင်း၊
၄။ မြန်မာအမြဲတမ်းကိုယ်စားလှယ် ပြောကြားခဲ့သည့် မိန့်ခွန်းအပြည့်အစုံ (အင်္ဂလိပ်ဘာသာ) အား ပူးတွဲ ဖော်ပြအပ်ပါသည်။
၂၀၂၄ ခုနှစ်၊ အောက်တိုဘာလ ၁၀ ရက်
ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်အဖွဲ့ရုံး၊ နယူးယောက်မြို့
Please check against delivery
Statement by Ambassador Kyaw Moe Tun, Permanent Representative of the
Republic of the Union of Myanmar to the United Nations, at General Discussion under Agenda Item 17: Follow-up to and Implementation of the Outcomes of the International Conferences on Financing for Development of the Second Committee of the 79th Session of the UN General Assembly
(New York, 10 October 2024)
Mr. Chair,
Myanmar aligns itself with the statements delivered on behalf of ASEAN, the LDCs, and the G77 and China respectively.
We thank the Secretary General for his comprehensive report under this agenda item.
Mr. Chair,
Financing challenges are one of the major factors behind the slow progress and setbacks in implementing the SDGs. The 2024 Financing for Sustainable Development Report highlighted fiscal constraints, debt distress and acute financing needs of many developing countries. Myanmar, therefore, welcomes the recent adoption of the Pact for the Future and the call to close the SDG financing gap in developing countries. In the same vein, the Fourth International Conference on Financing for Development next year should secure an ambitious outcome to accelerate the implementation of the 2030 Agenda.
Mr. Chair,
The Addis Ababa Action Agenda emphasized the role of national policies and development strategies in economic and social development of each country. The elected civilian government of Myanmar was committed to achieving the SDGs under the framework of the Myanmar Sustainable Development Plan (MSDP). Myanmar finalized its first development finance assessment with support from UNDP in 2017 and undertook efforts to mobilize domestic and international finance from public and private sectors. Significant progress was achieved in banking and financial sectors, narrowing the trade deficit, stabilizing the foreign exchange rate, and attracting both domestic and foreign investment.
Unfortunately, our progress in MSDP financing strategies have been reversed by the attempted military coup in 2021. Foreign investments dropped by 42% a year after the coup. The World Bank reported that financial sector reforms have also stagnated and are in danger of being reversed. Microfinance institutions were impacted by the subsequent domestic banking crisis, affecting 5 million customers including many MSMEs.
In addition, the unlawful forced conscription by the military junta has pushed many youths, including those working in private sectors, into hiding and fleeing the country.
The deteriorating economic situation, inflation, rising food costs and displacement have forced the population to focus more on survival over investment and growth. UNDP reported that almost half of the population was living below the national poverty line in 2023. The middle class is disappearing and the social inequality is growing.
The total breakdown of the rule of law and rampant corruption has exacerbated the underground illicit economy, including transnational organized crimes, scam compounds and human trafficking. According to UNCTAD, up to $1,347 million in inward illicit financial flows have been generated from the potential exports of opiates alone. Clearly, such activities are undermining our regional peace, stability and prosperity.
Against this backdrop, I wish to recall the decision in the Pact for the Future and stress the urgent need by the international community to strengthen ongoing efforts to prevent and combat illicit financial flows, corruption, money-laundering and tax evasion.
In conclusion, Mr. Chair, the military junta and its illegal coup are the root causes of economic, financial, social fragilities and deteriorations in Myanmar. It is evident that the current situation triggered by the illegal coup and the junta’s systematic and widespread atrocities across the country is not an enabling environment for organizing a free, fair and inclusive election. The people of Myanmar firmly reject any attempt by the military junta to organize any sham election, and the international community should do likewise.
It is crystal clear that eradicating the military dictatorship and building a federal democratic union is the only viable path towards regaining our previous progress in SDGs and realizing the 2030 Agenda in Myanmar.
I thank you.
*****
